جنوبی افریقا نے پاکستان کو پہلے ٹیسٹ میچ میں شکست دے دی

جنوبی افریقا نے پاکستان کو سنسنی خیز مقابلے کے بعد پہلے ٹیسٹ میچ میں 2وکٹوں سے شکست سے دوچار کردیا۔

جنوبی افریقی ٹیم نے سنچورین میں کھیلے گئے ٹیسٹ میچ میں پاکستان کی جانب سے دیے گئے 148رنز کا ہدف 8 وکٹوں کے نقصان پر حاصل کرلیا۔

جنوبی افریقہ نے چوتھے روز کھیل کا آغاز کیا تو اسے جیت کے لیے مزید 121 رنز جبکہ پاکستان کو کامیابی کے لیے 7 وکٹیں چاہئیں تھیں۔

اس قبل تیسرے دن کے اختتام تک جنوبی افریقا نے 3 وکٹوں کے نقصان پر 27 رنز بنائے تھے، ایڈم مارکرم 22 اور کپتان ٹمبا باووما بغیر رن بنائے کریز پر موجود تھے تاہم محمد عباس نے ایڈم مارکرم کو 37 رنز پر پویلین بھیج دیا۔

پاکستان کی جانب سے فاسٹ بولر محمد عباس نے 6 وکٹیں حاصل کیں جبکہ خرم شہزاد اور نسیم شاہ نے ایک ایک کھلاڑی کو پویلین کی راہ دکھائی۔

پاکستان نے پہلی اننگز میں 211 رنز بنائے تھے جس کے جواب میں جنوبی افریقا کی ٹیم پہلی اننگز میں 301 رنز بناکر آٹ ہوئی تھی جبکہ گرین کیپس نے دوسری اننگز میں 237 رنز بنائے تھے۔

پاکستان اور جنوبی افریقا کے درمیان سیریزکا دوسرا ٹیسٹ 3 جنوری سے کیپ ٹاون  میں شروع ہوگا۔