سپریم کورٹ نے ٹک ٹاک پر پابندی کے قانون کی منظوری دیدی

امریکی سپریم کورٹ نے ٹک ٹاک پر پابندی کے قانون کو برقرار رکھنے کی منظوری دیدی

غیر ملکی ذرائع ابلاغ کے مطابق امریکی سپریم کورٹ کے ججز نے ٹک ٹاک پر پابندی کے قانون کو چیلنج کرنے پر متفقہ فیصلہ سنایا، جس میں کہا گیا ہے کہ امریکی آئین کی آزادی اظہار رائے سے متعلق پہلی ترمیم کی خلاف ورزی نہیں ہوئی۔

رپورٹس کے مطابق گزشتہ سال کانگریس نے ٹک ٹاک پر پابندی کا قانون 2 تہائی اکثریت سے منظور کیا تھا، ٹک ٹاک ایپ نے امریکا میں فروخت اور بندش کا قانون چیلنج کیا تھا۔

خبر ایجنسی کے مطابق امریکا میں ٹک ٹاک پر پابندی کا اطلاق 19 جنوری سے ہو جائے گا۔