ٹرمپ کا نیٹو کی فنڈنگ بند کرنے پر غور

امریکی صدر ٹرمپ نے کہا ہے کہ امریکا کی جانب سے نیٹو پر کیے جانے والے اخراجات کا سنجیدگی سے جائزہ لیا جائے گا۔

صحافیوں سے گفتگو کرتے ہوئے انہوں نے نیٹو پر تنقید کی اور کہا کہ ایران کے خلاف جنگ میں نیٹو نے امریکا اور اسرائیل کا ساتھ نہیں دیا۔

ان کا کہنا تھا، "وہ ہمارے ساتھ نہیں تھے، اب وہ آنا چاہتے ہیں لیکن اب کوئی حقیقی خطرہ نہیں رہا۔"

ٹرمپ نے نیٹو میں امریکا کی شمولیت کی اہمیت پر بھی سوال اٹھاتے ہوئے کہا کہ امریکا نے اس اتحاد پر کھربوں ڈالر خرچ کیے، جو دراصل روس کے خلاف دفاع کے لیے تھے۔

انہوں نے مزید کہا کہ یہ معاملہ اب بہت سنجیدگی سے جانچا جائے گا۔