ایران کا آیت اللہ علی خامنہ ای کی آخری رسومات کے دوران کسی بھی کارروائی کے خلاف سخت انتباہ

ایران کے فوجی ہیڈکوارٹر خاتم الانبیاء نے خبردار کیا ہے کہ آیت اللہ علی خامنہ ای کی آخری رسومات کے دوران اگر اسرائیل یا امریکا کی جانب سے کسی قسم کی کارروائی کی گئی تو اس کا سخت جواب دیا جائے گا۔

ایرانی حکام کی جانب سے جاری بیان میں مخالف ممالک کو خبردار کرتے ہوئے کہا گیا ہے کہ وہ کسی بھی اقدام سے پہلے اس کے نتائج پر اچھی طرح غور کریں۔

رپورٹس کے مطابق آیت اللہ علی خامنہ ای کی آخری رسومات میں پاکستان کے وزیر اعظم شہباز شریف سمیت مختلف ممالک کے سربراہان، اعلیٰ حکومتی نمائندوں اور تقریباً 100 ممالک کے وفود کی شرکت متوقع ہے۔

ایرانی حکام نے سیکیورٹی انتظامات مزید سخت کر دیے ہیں، جبکہ تقریب کے پرامن انعقاد کو یقینی بنانے کے لیے متعلقہ ادارے الرٹ ہیں۔