ایران نے پہلے جہاز سے آبنائے ہرمز ٹول ٹیکس وصول کرلیا، ڈپٹی اسپیکر پارلیمنٹ

ایران کی پارلیمنٹ کے ڈپٹی اسپیکر حمیدرضا حاجی بابائی کا کہنا ہے کہ آبنائے ہرمز سے گزرنے والے جہازوں پر عائد ٹول سے حاصل ہونے والی پہلی آمدنی مرکزی بینک کے اکاؤنٹ میں جمع کرا دی گئی ہے۔

تسنیم نیوز ایجنسی کی رپورٹ کے مطابق انھوں نے اس بارے میں مزید تفصیلات نہیں بتائیں کہ یہ آمدنی کس طرح وصول کی گئی یا کس نے ادا کی، اور بی بی سی آزادانہ طور پر ان کے اس دعوے کی تصدیق نہیں کر سکا۔

موجودہ جنگ بندی سے قبل تہران نے کہا تھا کہ اس نے آبنائے ہرمز میں آمدورفت کو صرف ان ممالک تک محدود کر دیا ہے جنہیں وہ ’دوست‘ قرار دیتا ہے، اور اس دوران اس آبنائے سے گزرنے والے جہازوں سے ٹول وصول کرنے کی بات بھی کی جا رہی تھی۔