بھارت میں اکاؤنٹ بلاک ہونے پر عدنان صدیقی کا دلچسپ ردعمل، میرا انسٹا ابھینندن بن گیا

پاکستانی اداکار عدنان صدیقی نے انسٹاگرام اکاؤنٹ کی بھارت میں بندش پر دلچسپ ردعمل جاری کردیا۔

سماجی رابطے کی سائٹ پر عدنان صدیقی نے بھارت میں اپنے اکاؤنٹ کی بندش سے متعلق آگاہ کرتے ہوئے اسکرین شارٹ شیئر کیا۔

انہوں نے لکھا کہ میرا اکاؤنٹ ابھینندن ہوگیا جو سرحد پار گیا اور پکڑا گیا ہے۔

عدنان صدیقی نے مزید لکھا کہ بھارت کو یہ نہیں بھولنا چاہیے کہ ابھی تو پارٹی شروع ہوئی ہے۔

واضح رہے کہ پہلگام واقعے کے بعد بھارت نے متعدد پاکستانی فنکاروں، انٹرٹینمنٹ اور نیوز چینلز کے اکاؤنٹس سمیت سوشل میڈیا انفلوئنسرز کو نشانے پر لیا ہے۔

اس کے علاوہ بھارت نے آئی ایس پی آر، وزیر اعظم پاکستان، وزیر اطلاعات اور وزیر دفاع سمیت متعدد شخصیات کے اکاؤنٹس بھی بلاک کیے ہیں۔