’دھرندھر فلم افسانہ، حقیقت تو 0-6 ہے‘

بالی ووڈ کی متنازع فلم دھرندھر کے حوالے سے ایک نیا اور دلچسپ دعویٰ سامنے آیا ہے۔

تفصیلات کے مطابق سندھ حکومت کے ترجمان و پی پی رہنما اور رکن قومی اسمبلی نبیل گبول کے صاحبزادے نبیل گبول نے فلم دھرندھر کے حوالے سے گفتگو کی۔

انہوں نے کہا کہ فلم میں جو نبیل گبول کا کردار دکھایا گیا حقیقت میں ایسا نہیں اور نہ ہم اتنے کمزور رہے، کبھی چبلیں اتار کر نہیں بھاگے۔ نادر گبول نے کہا کہ بلاول بھٹو نے چونکہ مودی کو گجرات کا قصائی کہا اور دنیا بھر میں بے نقاب کیا تو اس کے جواب میں پروپیگنڈا کرنے کیلیے دھرندھر فلم بنائی گئی۔

نادر گبول نے کہا کہ بلوچ ایچے نہیں، جو کردار دکھایا گیا وہ بہت کمزور ہے جبکہ سردار نبیل گبول تو بہت بہادر ہیں۔

انہوں نے کہا کہ اگر کوئی بھارتی خفیہ ایجنسی را کا ایجنٹ سرما لگا کر لیاری آتا تو پھر وہ بچ کر نہیں جاسکتا تھا، ہم نے پہلے بھی ایک انڈین ایجنٹ ابھی نندن کو پکڑا ہوا ہے جبکہ پائلٹ کو اس لیے چھوڑا کہ وہ فوجی تھا‘۔

نادر گبول نے کہا کہ ’بھارت نے دھرندھر بناکر اپنی افسانوی فتح دکھائی مگر حقیقت 0-6 ہے جس کے بارے میں دنیا جانتی ہے۔