اداکارہ صنم سعید کے ہاں ننھے مہمان کی آمد متوقع

برسوں سے اسکرین سے غائب پاکستانی اداکارہ صنم سعید نے جلد اپنے ہاں ننھے مہمان کی آمد کی خوش خبری سنائی ہے۔

مدرز ڈے پر اداکارہ نے انسٹاگرام پر اپنی والدہ کے ساتھ تصویر شیئر کی اور مستقبل میں اپنی ماں کے نقش قدم پر چلنے کی خواہش کا اظہار کیا۔

انہوں نے لکھا کہ ماؤں کے عالمی دن کے موقع پر میں اپنی والدہ کا شکریہ ادا کرتی ہوں جنہوں نے مجھے بے پناہ محبت سے نوازا اور حفاظت کی۔

صنم سعید نے لکھا کہ میں دعا گو ہوں کہ میں بھی اپنی ماں کی طرح مہربان، مضبوط اور نڈر ماں بن سکوں۔

اداکارہ کے اس اعلان پر سوشل میڈیا پر مبارکبادوں اور نیک تمناؤں کا تانتا بندھ گیا۔