ہانیہ عامر کی محبت میں گرفتار بھارتی فینز کی نئی حکمت عملی سے مودی حکومت پریشان

پہلگام حملے کے بعد بھارتی حکومت نے ہانیہ عامر سمیت پاکستانی اداکاروں کے سوشل میڈیا اکاؤنٹس بلاک کیے۔

بھارتی بوکھلاہٹ کی زد میں نہ صرف اداکار، فنکار، کھلاڑی، ایتھلیٹس آئے بلکہ سوشل میڈیا کانٹینٹ کریٹیرز، یوٹیوبر، انٹرٹینمنٹ چینلز بھی آئے ہیں۔

بھارت نے بغیر کسی وجہ کے متعدد چلینز اور سوشل میڈیا اکاؤنٹس کو بند کردیا ہے۔

ہانیہ عامر بھی ان ہی اداکاروں میں شامل ہیں جن کا اکاؤنٹ بھارت میں بند کیا گیا تاہم بھارتی صارفین اُن کی محبت میں گرفتار ہیں اور انہوں نے نیا توڑ نکال کر مودی حکومت کو پریشان کردیا ہے۔

حکومت کی جانب سے پابندی عائد ہونے کے بعد بھارتی صارفین نے وی پی این کا استعمال کیا اور ورچوئل پرائیوٹ نیٹ ورک سے جڑ کر وہ ہانیہ عامر کی انسٹاگرام آئی ڈی تک پہنچے۔

بھارتی صارفین نے ہانیہ عامر کی تصویر پر کمنٹس کیے اور بتایا کہ وہ وی پی این استعمال کر کے ایسا کررہے ہیں جبکہ انہوں نے دیگر صارفین کو بھی اسی کا مشورہ دیا۔

بھارتیوں نے کمنٹس سیکشن کو بات چیت کا پلیٹ فارم بھی بنایا اور وی پی این سے متعلق طویل گفتگو کی۔