لڑکیوں کی وقت پر شادی نہ ہونا ماؤں کا قصور ہے، جویریہ سعود نے رشتوں کا طریقہ بتادیا

پاکستانی اداکارہ جویریہ سعود نے لڑکیوں کے رشتے نہ ملنے والی ماؤں کے شکوے پر جواب دیتے ہوئے اُن کو ہی شادی نہ ہونے کا مورد الزام ٹھہرا دیا۔

نجی ٹی وی پروگرام میں گفتگو کرتے ہوئے جویریہ سعود نے کہا کہ کچھ ماؤں کو لوگوں سے ملنے جلنے کا شوق نہیں ہوتا اور وہ یہ بڑے فخر سے بتاتی ہیں۔

انہوں نے کہا کہ اس کا یہ نقصان ہوتا ہے کہ لڑکیوں کے رشتے کی راہ نہیں نکلتی کیونکہ جب تک آپ کا گلنا ملنا نہیں ہوگا تو کیسے لوگ آپ کی بیٹی کے بارے میں جان سکیں گے۔

جویریہ نے کہا کہ میری نظر میں کسی لڑکی کا دیر سے رشتہ یا نہ آنے کی وجہ اُس کی ماں ہوتی ہے۔

اداکارہ نے کہا کہ جو لڑکیاں شادی کی عمر کو پہنچ جاتی ہیں اور ان کی شادی نہیں ہو پاتی، اس میں ان کی والدہ کا بھی قصور ہوتا ہے، لڑکیوں کی ماؤں کو بچیوں کے رشتے ہونے کی عمر سے ہی ہاتھ پاؤں مارنا، کوششیں کرنا شروع کر دینی چاہیے۔