راکھی ساونت کا عمران خان سے اظہار محبت، خواہش بھی ظاہر کردی

بالی ووڈ کی بے باک اداکارہ راکھی ساونت نے سابق وزیراعظم عمران خان سے محبت کا اظہار کرتے ہوئے اُن سے بڑی خواہش کا اظہار کردیا۔

پاکستانی یوٹیوب چینل کو دیے گئے حالیہ انٹرویو میں راکھی ساونت نے اپنی پاکستانی لڑکے سے شادی کے سوال پر جواب دیتے ہوئے کہا کہ میرے دیس کے لوگوں کو فکر ہے اور ان کا یہ ردعمل بالکل جائز ہے۔

راکھی نے کہا کہ بھارتیوں کو میری فکر اس وجہ سے ہے کہ ثانیہ مرزا کے ساتھ اچھا نہیں ہوا تھا مگر ہوسکتا ہے کہ میرا پاکستانی شوہر ہمیشہ میرے ساتھ رہے اور کچھ ایسا نہ ہو جو ثانیہ کے ساتھ ہوا۔

راکھی ساونت نے عمران خان سے محبت کا اظہار کرتے ہوئے کہا کہ آپ جلدی سے جیل سے باہر آئیں اور عوام کی خدمت کریں۔

انہوں نے ایک بار پھر عمران خان کیلیے نیک خواہشات کا اظہار کیا اور امید ظاہر کی کہ سابق وزیراعظم کی جلد آزمائشیں اور مشکل وقت ختم ہوجائے گا۔