شوبز شخصیات کی رمضان ٹرانسمیشن میں میزبانی، فیصل قریشی میدان میں آگئے

پاکستانی اداکار فیصل قریشی  نے شوبز اداکاروں کے رمضان ٹرانسمیشن پر تنقید کرنے والوں کو لاجواب کردیا۔

فیصل قریشی رواں سال خود نجی ٹی وی چینل پر رمضان ٹرانسمیشن کی میزبانی کررہے ہیں جہاں انہوں نے اے پی ڈی پی کو دیے گئے خصوصی انٹرویو میں اس حوالے سے جوابات دیے۔

انہوں نے کہا کہ ایک تاثر ہے کہ ہم سارا سال عجیب و غریب حرکتیں کر کے رمضان میں دین سکھاتے ہیں۔ فیصل قریشی نے کہا کہ اس بات کو کلیئر کرلیں کہ ہم دین نہیں سکھاتے بلکہ یہ کام علما کرام کرتے ہیں اور وہ جیسے ہمیں بولتے ہیں ہم ویسے ہی کرتے ہیں۔

فیصل قریشی نے اپنی بات کو جاری رکھتے ہوئے کہا کہ ہم بھی سارا سال نمازیں اور عبادات کرتے ہیں جس کی تشہیر نہیں کرتے اور نہ اس کی ضرورت کبھی محسوس کی ہے۔