سیف علی خان اور کرینہ کپور کی طلاق کا بڑا دعوی، جلد علیحدگی ہوگی

بالی وڈ کے مشہور جوڑے سیف علی خان اور کرینہ کپور خان کی طلاق کے حوالے سے بڑا دعویٰ سامنے آیا ہے۔

یہ دعویٰ یا پیش گوئی ایک نجومی نے کی اور کہا کہ جوڑے کے درمیان جلد طلاق ہوجائے گی۔نجومی سشیل کمار سنگھ نے اپنی پیش گوئی میں کہا ہے کہ سیف اور کرینہ کی شادی خطرے میں ہے اور یہ جوڑا ڈیڑھ سال کے اندر علیحدگی اختیار کر سکتا ہے۔ 

یہ پیش گوئی اس وقت سامنے آئی ہے جب سیف علی خان پر حال ہی میں چاقو سے حملہ ہوا تھا۔ اس واقعے کے دوران کرینہ کپور کی عوامی سطح پر غیر موجودگی نے قیاس آرائیوں کو ہوا دی ہے۔

نجومی نے دعویٰ کیا کہ انہوں نے 2010 میں ہی سیف اور کرینہ کی کنڈلی دیکھ کر پیش گوئی کی تھی کہ ان کی شادی طویل عرصے تک قائم نہیں رہے گی۔

انہوں نے حالیہ حملے کو خاندانی مسائل کا نتیجہ قرار دیتے ہوئے کہا کہ یہ جوڑا جلد ہی طلاق لے سکتا ہے۔  

سیف علی خان اور کرینہ کی شادی کا پس منظر

سیف علی خان اور کرینہ کپور نے 2012 میں شادی کی تھی اور ان کے دو بیٹے، تیمور اور جہانگیر ہیں۔ دونوں اداکاروں نے اپنی شادی کے بعد سے ہمیشہ ایک مضبوط جوڑے کی تصویر پیش کی ہے، لیکن حالیہ واقعات اور نجومی کی پیش گوئی نے مداحوں میں تشویش پیدا کردی ہے۔  

تاہم، اس بارے میں حتمی طور پر کچھ کہنا قبل از وقت ہوگا، کیونکہ سیف اور کرینہ نے نجومی کی پیش گوئی پر کوئی تبصرہ نہیں کیا ہے۔ دونوں اداکاروں نے ماضی میں بھی اپنی نجی زندگی کو عوامی مباحثوں سے دور رکھنے کی کوشش کی ہے۔  

نجومی کی پیش گوئی کے باوجود، مداحوں کو امید ہے کہ سیف اور کرینہ اپنے رشتے کو مضبوطی سے برقرار رکھیں گے اور ان کی شادی ان قیاس آرائیوں کو غلط ثابت کرے گی۔