ثانیہ سعید کی اپنی طلاق کے بارے میں لب کشائی

کراچی : پاکستان کی نامور اور ورسٹائل اداکارہ ثانیہ سعید نے پہلی بار اپنی ازدواجی زندگی اور طلاق کے بارے میں لب کشائی کی ہے۔

اداکارہ ہمیشہ اپنے شاندار کیریئر کے دوران نجی معاملات پر خاموش رہی ہیں، مگر حال ہی میں ایک پوڈکاسٹ میں انہوں نے اپنی ذاتی زندگی کے اہم پہلوں پر گفتگو کی۔

ثانیہ سعید نے پوڈکاسٹ میں گفتگو کرتے ہوئے بتایا کہ میں سابق شوہر شاہد شفاعت سے علیحدہ ہو چکی ہوں، ہم دونوں کا تعلق تھیٹر سے تھا اور بچپن سے ایک دوسرے کو جانتے تھے۔

 انہوں نے بتایا کہ ہم نے باہمی رضامندی سے اور امن کے ساتھ علیحدگی اختیار کی، کوئی تلخی نہیں ہوئی۔انہوں نے مزید کہا کہ میں خود کو خوش نصیب سمجھتی ہوں کہ زندگی میں مجھے ویسے سمجھوتے نہیں کرنے پڑے جو عام عورتوں کو کرنے پڑتے ہیں۔

یاد رہے کہ ثانیہ سعید ناصرف اپنی جاندار اداکاری کیلیے جانی جاتی ہیں بلکہ سماجی و سیاسی شعور رکھنے والی ایک منفرد شخصیت بھی ہیں۔