پہلگام حملے کے مشتبہ خاکے کی بابر اعظم سے مشابہت والا خاکہ جعلی نکلا

سوشل میڈیا پر وائرل ہونے والی ایک تصویر میں جھوٹا دعویٰ کیا گیا ہے کہ بھارتی مقبوضہ کشمیر میں پہلگام دہشت گردحملے کے سلسلے میں جاری کیا گیا مشتبہ خاکہ پاکستانی کرکٹ ٹیم کے سابق کپتان بابر اعظم سے مشابہت رکھتا ہے۔

یہ حملہ، جو منگل کو مشہور سیاحتی مقام پر ہوا، جس میں 26 افراد ہلاک ہوئے اور اس نے علاقائی کشیدگی کو بڑھا دیا۔

بدھ کے روز، فیس بک اور Siasat.pk جیسے فورمز پر متعدد پوسٹس نے ہندوستانی نیوز آٹ لیٹ انڈیا ٹوڈے سے مبینہ طور پر ایک ترمیم شدہ اسکرین شاٹ شیئر کیا، جس سے یہ معلوم ہوتا ہے کہ مشتبہ خاکوں میں سے ایک بابر اعظم سے مماثلت رکھتا ہے۔

کچھ صارفین نے تو الزام لگایا کہ اس واقعے میں کرکٹر ملوث ہے۔

تاہم، الٹی امیج کی تلاش اور AI پر مبنی چھیڑ چھاڑ کا پتہ لگانے والے ٹولز پر مشتمل ایک تفصیلی فیکٹ چیک نے اس دعوے کو مسترد کردیا۔

انڈیا ٹوڈے کی اصل پوسٹ کے ذریعے تصدیق شدہ اصل خاکہ کسی بھی طرح بابر اعظم سے مشابہت نہیں رکھتا۔ اس دعوے کی تصدیق جھوٹی اور گمراہ کن کے طور پر کی گئی ہے، جو اس مہلک واقعے کے بعد پھیلی ہوئی غلط معلومات کی ایک وسیع لہر کا حصہ ہے، جس نے پہلے ہی ہندوستان اور پاکستان کے درمیان سفارتی تنا ؤکو جنم دیا ہے۔