خسرہ کی وبا پھیلی گئی، ایک ہفتے میں پانچ بچے جاں بحق

سکھر میں خسرہ کی وبا سے ایک ہفتے میں پانچ کمسن بچے زندگی کی بازی ہار گئے ہیں۔

 محکمہ صحت سندھ کے مطابق مرنے والے بچوں کی عمریں ڈیڑھ سے پانچ سال کے درمیان ہیں اور یہ تمام لال مشائخ کے رہائشی تھے۔

علاقہ مکینوں کے مطابق مزید دس بچے خسرے کی بیماری میں مبتلا ہیں تاہم انہیں اطمینان بخش طبی امداد نہیں دی جارہی۔

ڈپٹی کمشنر سکھر محمد بخش دھاریجو کے مطابق متاثرہ علاقے میں خسرے کے حوالے سے مہم شروع کردی ہے، ہمیں 4 بچوں کی اموات کی اطلاع ملی ہے۔

انہوں نے مزید کہا کہ لال مشائخ کے علاقے سے دیگر بچوں کے نمونے لیے گئے ہیں، رپورٹ آنے پر تصدیق ہوگی کہ بچوں کی اموات خسرے سے ہوئی یا معاملہ کچھ اور ہے۔