چاہت فتح علی خان کے سامنے آئسکریم بیچنے والے نے ہاتھ جوڑ لیے

انٹرنیٹ پر وائرل ہونے والے مضحکہ خیز گلوکار چاہت فتح علی خان کی آئے روز نت نئی ویڈیوز سامنے آتی ہیں۔

ان ویڈیوز میں سے بیشتر میں تو وہ اپنے فن کا مظاہرہ کررہے ہوتے ہیں یا پھر اپنا ہی کوئی گانا مخصوص انداز سے گن گنا رہے ہوتے ہیں۔

حال ہی میں انٹرنیٹ پر چاہت فتح علی خان کی ایک ایسی ویڈیو وائرل ہوئی جسے دیکھ کر صارفین اپنی ہنسی نہیں روک سکے۔

یہ ویڈیو آئسکریم فروخت کرنے والے کی ہے جو کسی بھی گاہک کو آئسکریم دینے سے قبل اُس کے ساتھ کھیلتا ہے اور پھر تنگ کرنے کے بعد کون ہاتھ میں پکڑاتا ہے۔

Chahat Fateh Ali Khan is a magician. Song suna ke koi bhi kaam karwa sakta pic.twitter.com/7wJOJtWePS

— Pehn Di Siri (@PehnDiSiri) December 7, 2023

ویڈیو میں دیکھا جاسکتا ہے کہ آئسکریم والے نے دو سے تین بار چاہت فتح علی کو تنگ کیا تو انہوں نے روک کر اپنا گانا شروع کردیا جس پر نوجوان نے آئسکریم گلوکار کو پکڑائی اور کان بند کر کے کاؤنٹر کے نیچے چھپ گیا۔