حنا خان نے رمضان المبارک میں عمرہ کی سعادت حاصل کرلی

بھارتی فلم انڈسٹری کی معروف اداکارہ حنا خان نے رمضان المبارک میں عمرہ کی سعادت حاصل کرلی۔

گزشتہ سال حنا خان میں چھاتی کے سرطان کی تشخیص ہوئی تھی جس کے بعد اُن کی کینسر سے جنگ کا آغاز ہوگیا تھا۔

رمضان المبارک میں اب حنا خان نے عمرہ کی سعادت حاصل کرلی اور انہوں نے بھائی کے ہمراہ عمرہ ادا کیا۔ اداکارہ نے عمرہ ادائیگی کے دوران کی تصاویر اور ویڈیوز اپنے آفیشل انسٹاگرام اکانٹ سے شیئر کیں۔

شیئر کی گئیں ویڈیوز میں دیکھا جا سکتا ہے کہ وہ خانہ کعبہ کا طواف کر رہی ہیں۔

انہوں نے تہجد اور فجر کی نماز مسجد الحرام میں ادائیگی کا بھی بتایا اور اداکارہ نے اپنی انسٹاگرام اسٹوری پر لکھاکہ دل میں آرزو جاگی اللہ نے قبول فرمائی۔