کیا آپ LGBTQ کی سپورٹر ہیں؟ بشری انصاری تنقید کی زد میں آگئیں

پاکستانی شوبز انڈسٹری کی لیجنڈری ادکارہ بشری انصاری ایل جی بی ٹی کیو  ایجنڈے کو پروموٹ کرنے پر تنقید کی زد میں آگئیں۔

 گزشتہ سال بشری انصاری کو بھارتی ویب سیریز اور بِگ پنجابی فیملی میں اداکاری کرتے دیکھا گیا تھا۔

سیریز کی اس وقت آئی ایم بی ڈی پر نو عشاریہ دو ریٹنگ ہے، حال ہی میں ویب سیریز کا ایک کلپ سوشل میڈیا پر وائرل ہوا جس میں بشری انصاری کے ڈائیلاگ نے سوشل میڈیا صارفین کو آگ بگولہ کردیا۔

وائرل ڈائیلاگ میں بشری انصاری ایک لڑکی جو ایک ٹرانس جینڈر ہے اور کھانا بنا رہی ہیں،اس سے مخاطب ہوتی ہیں، اور کہتی ہیں کہ ایسے لوگوں کیلئے 'they یا them جیسے الفاظ کا استعمال کرو۔

 اس ڈائیلاگ نے اداکارہ کے مداحوں میں غم و غصے کی لہر پیدا کردی۔ کسی نے کہا کہ وہ  ایسے ڈائیلاگز بول کر ایل جی بی ٹی کیو پراپگنڈے کی حمایت کررہی ہیں جو اسلامی اقدار کے منافی ہیں ۔

صارفین انہیں مشورہ دیتے دکھائی دے رہے ہیں کہ وہ بین الاقوامی سطح پر اس قسم کے پراجیکٹس کرنے سے انکار کردیں۔