معروف اداکارہ نادیہ حسین کے شوہر کو ایف آئی اے نے گرفتار کرلیا

ایف آئی اے کے کارپوریٹ کرائم سرکل نے بینک الفلاح سیکورٹیز کے سابق سی ای او اور معروف ماڈل نادیہ نادیہ حسین کے شوہر عاطف محمد خان کو 54 کروڑ روپے کی خردبرد کے الزام میں گرفتار کر لیا ہے۔

معروف ماڈل نادیہ حسین کے شوہر عاطف محمد خان پر بینک الفلاح سیکورٹیز کے بورڈ آف ڈائریکٹرز کی شکایت کے بعد تحقیقات کی گئی، جس کے بعد انہیں گرفتار کیا گیا۔

تحقیقات کے مطابق، ملزم کارپوریٹ فنانشل فراڈ کے ذریعے کمپنی کے فنڈز کی خردبرد میں ملوث پایا گیا ہے۔ ان پر الزام ہے کہ انہوں نے 80 ملین روپے کے کمپنی فنڈز کو ذاتی ٹریڈنگ کے لیے استعمال کیا۔

اس کے علاوہ، ملزم نے تھرڈ پارٹی کے ذریعے 654 ملین روپے غیر قانونی طور پر حاصل کیے اور کمپنی کے فنڈز سے انہیں ہائی مارک اپ کے ساتھ ادائیگی کی۔

تحقیقات میں یہ بھی انکشاف ہوا کہ ملزم کو سابق سی ایف او فیصل شیخ اور امتیاز احمد نے فراڈ میں سہولیات فراہم کیں۔ ایف آئی اے کی کارروائی کے بعد ملزم کو عدالت میں پیش کیا گیا، جہاں مزید تحقیقات جاری ہیں۔

یہ معاملہ کارپوریٹ سیکٹر میں مالی بدعنوانی کی ایک بڑی مثال کے طور پر سامنے آیا ہے۔