ماں بننے کے بعد زارا نور عباس میں کیا تبدیلی آئی؟

پاکستانی اداکارہ زارا نور عباس نے ماں بننے کے بعد اپنے اندر آنے والی تبدیلیوں کے حوالے سے کھل کر گفتگو کی ہے۔

ایک پوڈ کاسٹ میں زارا نور عباس نے کہا کہ ماں بننے کے بعد سے انکا غصہ ختم ہوگیا جبکہ ان میں ہمدردی کے جذبات بھی بہت بڑھ گئے ہیں۔

اداکارہ نے بتایا کہ بیٹی کی پیدائش کے بعد ان کی نظر میں اپنی ماں کی قدر مزید بڑھ گئی ہے۔

انہوں نے کہا کہ بیٹی کی پیدائش کے بعد وہ اب وقت کی پابندی کرتی ہیں اور اگر کسی جگہ جانا ہوتو ساری تیاری مکمل کرلیتی ہیں۔

انہوں نے کہا کہ بچوں کی پرورش کرنا انسان وقت کے ساتھ ساتھ ہی سیکھتا ہے اور وہ چاہتی ہیں کہ ان کی بیٹی ایک بااخلاق اور ہمدرد انسان بنے۔