نیلی آنکھوں والا خوبصورت پاکستانی، جس نے ماڈلنگ سے انکار کردیا

گلگت بلتستان کے سیاحتی علاقے اسکردو میں کپڑے کی دکان پر کام کرنے والے خوبصورت لڑکے کی ویڈیو وائرل ہوئی جس کے حسن نے سب کو حیران کردیا۔

یہ ویڈیو مقامی خاتون صحافی نے شیئر کی تو حیران کن طور پر عوام سے اسے سراہا اور پھر یہ دیکھتے ہی دیکھتے فیس بک و انسٹاگرام کے بڑے پیجز کی زینت بھی بن گئی۔

کپڑے والے کے مطابق وہ اپنے آباؤ اجداد کی طرح کپڑے کا کام کر کے اُن کے ہی کاروبار کو سنبھال رہا ہے اور 45 سال سے یہ کام خاندان کا ہے جبکہ اُس کا تعلق اسکردو سے نہیں خیبرپختونخوا کے ضلع مردان سے ہے۔

نوجوان کے مطابق وہ گزشتہ 7 سال سے اسکردو میں والدین کی طرف سے دی گئی کپڑے کی دکان چلا رہے ہیں اور متعدد افراد اُن کی خوبصورتی بالخصوص آنکھوں کی تعریف کرچکے ہیں۔

’کپڑے والے‘ نوجوان کا کہنا تھا کہ انہیں ماڈلنگ وغیرہ کا کوئی شوق نہیں، وہ کپڑے کی دکان چلانے میں دلچسپی رکھتے ہیں۔