آصف زرداری پاکستانی سیاست کے ہمایوں سعید قرار، سابق صدر کی زندگی پر فلم بنانے کا بھی عندیہ

پاکستان پیپلزپارٹی کی رہنما اور سابق صوبائی وزیر شرمیلا فاروق نے سیاست دانوں اور شوبز شخصیات کے درمیان موازنہ کرتے ہوئے کہا ہے کہ سابق صدر پاکستانی سیاست کے ہمایوں سعید ہیں۔

نادیہ خان کے پوڈ کاسٹ میں گفتگو کرتے ہوئے شرمیلا فاروقی نے کہا کہ مریم نواز پاکستانی سیاست کی مہوش حیات جبکہ حنا ربانی کھر اور شیری رحمان پاکستانی سیاست کی ماہرہ خان ہیں۔

شرمیلا فاروقی نے کہا کہ پاکستانی سیاست کے عدنان صدیقی یوسف رضا گیلانی، رضا ربانی، فیصل سبزواری، رؤف صدیقی اور حیدر عباس رضوی ہیں جن سے میں نے بہت کچھ سیکھا ہے۔

شرمیلا فاروقی نے کہا کہ آصف زرداری کی دوسری شادی کے حوالے سے سوشل میڈیا پر جعلی خبریں پھیلائیں گئیں جبکہ انہوں نے دوسری شادی نہیں کی۔ سابق صوبائی وزیر نے کہا کہ اگر انہیں موقع ملا تو وہ آصف زرداری کی زندگی پر فلم بنائیں گی جس کا نام ’ایک زرداری سب پہ بھاری رکھیں گی‘۔