سیلینا گومز کے لئے بڑی مشکل کھڑی ہوگئی

معروف امریکی گلوکارہ اور اداکارہ سیلینا گومز حال میں ایک تنازع کی زد میں آگئیں، ایک ویڈیو کے باعث گلوکارہ کے انسٹاگرام پر لاکھوں فالوورز کم ہوگئے۔جس کے باعث وہ شدید پریشان ہوگئیں۔

غیر ملکی میڈیا کا اس حوالے سے کہنا ہے کہ معروف گلوکارہ سیلینا گومز کو انسٹاگرام پر حال ہی میں بھاری نقصان کا سامنا کرنا پڑا۔ گزشتہ ایک ماہ کے دوران ان کے 8 لاکھ سے زائد فالورز نے انہیں ان فالو کردیا۔

رپورٹس کے مطابق اس تنازع کا آغاز اس وقت ہوا جب گلوکارہ نے سابق امریکی صدر ٹرمپ کی امیگریشن پالیسیز کے خلاف ایک جذباتی ویڈیو اپنے پلیٹ فارم سے شیئر کی تھی۔

انہوں نے ویڈیو میں روتے ہوئے غیر قانونی تارکین وطن پر کریک ڈان کی شدید مذمت کی تھی۔

امریکی امیگریشن اینڈ کسٹمز انفورسمنٹ(آئی سی ای)کے ایک آپریشن میں 956 افراد کو گرفتار کیا گیا تھا، جس پر وہ سخت مایوس تھیں اور انہوں نے سخت رد عمل کا اظہار کیا تھا۔

سوشل میڈیا پلیٹ فارم سوشل بلیڈ کا کہنا ہے کہ گلوکارہ کے فالورز میں گزشتہ 30 دنوں کے دوران تقریبا 8 لاکھ کی کمی ہوئی ہے، اگرچہ مشہور شخصیات کیلیے فالورز میں اتار چڑھا معمول کی بات ہے لیکن اس کمی کے وقت نے شکوک و شبہات کو جنم دے دیا ہے۔

ویڈیو پیغام میں گلوکارہ کا کہنا تھا کہ مجھے بہت افسوس ہے۔ میرے لوگ نشانے پر ہیں۔ بچے متاثر ہو رہے ہیں۔ میں سمجھ نہیں پا رہی ہوں۔ میں کچھ کرنا چاہتی ہوں لیکن نہیں جانتی کیا کروں۔ میں سب کچھ کرنے کی کوشش کروں گی، وعدہ کرتی ہوں۔