ثناء خان دوسرے بیٹے کو کیمرے کے سامنے لے آئیں، نام بھی بتادیا؟

ممبئی: بالی ووڈ انڈسٹری کو خیر باد کہہ کر دینِ اسلام کے مطابق زندگی گزارنے والی سابقہ اداکارہ ثنا خان نے اپنے دوسرے بیٹے کی تصویر شیئر کردی۔

ثنا خان کے ہاں دوسرے بیٹے کی پیدائش 6 جنوری کو ہوئی تھی جس کی اطلاع انہوں نے سوشل میڈیا پر دی تھی۔

سابقہ اداکارہ ثنا خان اور ان کے شوہر انس سید نے پہلے بیٹے کا نام پاکستان کے معروف مبلغ مولانا طارق جمیل کے نام پر سید طارق جمیل رکھا تھا۔

بعدازاں 6جنوری 2025کو ثنا خان نے اپنے دوسرے بیٹے کی پیدائش کی خوشخبری سنائی اور آج اسکو کیمرے پر لے آئیں۔

فوٹوز اینڈ ویڈیوز شیئرنگ ایپ انسٹاگرام اکانٹ پر ثنا خان نے اپنے چھوٹے بیٹے کی تصویر شیئر کی اور ایک اینیمٹڈ ویڈیو میں اس کا نام سید حسن جمیل بھی بتادیا۔

اپنی پوسٹ کے کیپشن میں انہوں نے لکھا کہ اے اللہ تمام تعریفیں تیرے لیے ہیں۔ اپنی نعمتوں اور فضل کے ساتھ ہمیں توفیق دے کہ ہم اس کی اچھے طریقے سے پرورش کریں۔

 ہمیں اس کے ساتھ مہربانی اور انصاف کرنے کی ہدایت دے اور اسے اپنے نیک بندوں میں شامل کر۔سوشل میڈیا پر ثنا خان کے بیٹے کی تصاویر کو خوب پسند کیا جارہا ہے اور لوگ ان کیلئے نیک تمناں کا اظہار بھی کر رہے ہیں۔