عدالت کا سہیل آفریدی سمیت دیگر ملزمان کو آخری موقع

 اسلام آباد: انسدادِ دہشت گردی اسلام آباد کی عدالت نے وزیراعلیٰ خیبر پختون خوا سہیل آفریدی اور دیگر ملزمان کو عدالت کے سامنے پیش ہونے کا آخری موقع دیدیا۔

انسدادِ دہشت گردی عدالت کے احکامات پر مختلف جگہوں پر نوٹسز چسپا کر دیے گئے ہیں، جوڈیشل کمپلیکس میں بھی مختلف مقامات پر طلبی کے نوٹسز لگائے گئے ہیں۔

نوٹسز میں سہیل آفریدی، مینا خان، امجد خان، شفیع اللّٰہ جان، امجد آفریدی کو عدالت میں پیش ہونے کی ہدایت کی گئی ہے۔نوٹسز انسدادِ دہشت گردی کی عدالت کے سیکشن 87 کے حکمنامہ کی روشنی میں آویزاں کیے گئے ہیں۔

نوٹسز میں ہدایت کی گئی کہ ملزمان عدالتی احکامات کی تعمیل نہیں کر رہے یا روپوش ہیں، سہیل آفریدی ،شفیع اللّٰہ اور دیگر ملزمان عدالت میں پیش ہوں، ملزمان کو پیشی سے متعلق یہ آخری موقع دیا جارہا ہے، ملزمان عدالت میں پیش نہ ہوئے تو قانونی کارروائی کی جائے گی۔