عمران خان کو سیرت النبی یونیورسٹی بنانے پر سزا سنائی گئی، پی ٹی آئی

پاکستان تحریک انصاف نے احتساب عدالت کے فیصلے پر ردعمل دیتے ہوئے کہا ہے کہ عمران خان کو سیرت النبی ﷺ یونیورسٹی بنانے پر 14 سال قید کی سزا دی گئی ہے۔

پی ٹی آئی نے کہا کہ  تاریخ یاد رکھے گی کہ اس ملک کے سب سے بڑے لیڈر کو پہلے ملک سے محبت کرنے کے جرم میں غیرقانونی سزا سنائی گئی اور آج محمد صلی اللہ علیہ وسلم سے محبت کی سزا سنائی گئی۔

واضح رہے کہ احتساب عدالت نے 190 ملین پاؤنڈ ریفرنس میں عمران خان کو 14 سال قید اور 10 لاکھ جرمانے جبکہ بشری بی بی کو 7 سال قید اور پانچ لاکھ روپے جرمانے کی سزا سنائی ہے۔

پی ٹی آئی نے عدالتی فیصلے کو چلینج کرنے کا اعلان کیا اور امید ظاہر کی ہے کہ ہائیکورٹ سے یہ فیصلہ کالعدم ہوجائے گا۔