بھارت پر جب حملہ کریں گے تو اس کی گونج پوری دنیا میں سنائی دے گی، پاک فوج

ڈی جی آئی ایس پی آر لیفٹننٹ جنرل احمد شریف نے کہا ہے کہ بھارت پر کوئی حملہ نہیں کیا بلکہ ردعمل دیا ہے۔

انہوں نے کہا کہ بھارت پر حملے کا وقت اور مقام ہم خود طے کریں گے اور جب کریں گے تو اس کیلیے بھارتی میڈیا کے شور کی ضرورت نہیں ہوگی۔

ڈی جی آئی ایس پی آر نے کہا کہ پاکستان جب حملہ کرے گا تو اس کی گونج پوری دنیا میں سنائی دے گی اور سب اس پر بات کریں گے۔

انہوں نے مزید کہا کہ بھارت نے ایک روز قبل اپنی ہی ریاست امرتسر پر حملہ کر کے تنصیبات کو نشانہ بنایا اور پھر پروپیگنڈا کیا گیا۔

ڈٰ جی آئی ایس پی آر نے بتایا کہ بھارت کی جانب سے فائر کیے گئے 29 ڈرونز مار گرائے ہیں، جبکہ ان حملوں میں 3 سویلین شہری شہید ہوئے ہیں۔