ڈرونز کی مسلسل نگرانی کی جارہی ، بھارت کو ہر حملے کا منہ توڑ جواب دیا ہے، ڈی جی آئی ایس پی آر

ڈائریکٹر جنرل انٹر سروسز پبلک ریلیشنز (آئی ایس پی آر) لیفٹیننٹ جنرل احمد شریف چوہدری نے کہا کہ پاکستانی ریڈار سسٹمز پر تمام ڈرونز کی مسلسل نگرانی کی جا رہی ہے۔ جیسے ہی کوئی ڈرون پاکستانی حدود میں داخل ہوتا ہے، فوری طور پر اسے نشانہ بنا کر تباہ کر دیا جاتا ہے۔  

انہوں نے کہا کہ "پاکستان کا فضائی دفاعی نظام جدید ٹیکنالوجی سے لیس ہے، جو چھوٹے سے چھوٹے ڈرون کو بھی پکڑنے کی صلاحیت رکھتا ہے۔"

 انہوں نے یہ بھی بتایا کہ شہری علاقوں اور تجارتی پروازوں کے دوران بھی ڈرونز کو روکنے کے لیے پاکستان کے پاس جدید آپریشنل تکنیک موجود ہیں۔  

ڈی جی آئی ایس پی آر کے مطابق، بھارت نے پاکستانی فضائی حدود میں بار بار ڈرون بھیج کر اپنی جارحیت جاری رکھی، لیکن پاک فوج نے ہر حملے کا منہ توڑ جواب دیا۔

 انہوں نے واضح کیا کہ پاکستان کی دفاعی حکمت عملی انتہائی موثر ہے، جس کی وجہ سے دشمن کی کوئی بھی جاسوسی یا حملہ آور کارروائی ناکام ہو جاتی ہے۔  

یہ پیش رفت اس وقت سامنے آئی ہے جب پاکستان اور بھارت کے درمیان سرحدی کشیدگی میں اضافہ ہوا ہے۔ پاکستان نے اپنی خودمختاری اور سلامتی کے تحفظ کے لیے ایک بار پھر اپنی دفاعی صلاحیتوں کا لوہا منوایا ہے۔