دفاعی کے علاؤہ تمام سرکاری اداروں کی نجکاری کا اعلان

وزیراعظم شہباز شریف نے اسٹریٹیجک اداروں کے سوا دیگر تمام ریاستی ملکی اداروں کی نجکاری کا اعلان کرتے ہوئے وزارتوں کو اہم ٹاسک سونپ دیے تفصیلات کے مطابق وزارت نجکاری اور نجکاری کمیشن کے امور کے حوالے سے وزیراعظم کی صدارت میں اہم جائزہ اجلاس ہوا۔

اجلاس میں وزارت نجکاری و نجکاری کمیشن کی طرف سے نجکاری پروگرام 2024-2029 کا روڈ میپ پیش کیا گیا۔

وزیراعظم نے اسٹریٹیجک ریاستی ملکیتی اداروں کے سوا دیگر تمام حکومتی ملکیتی اداروں کی نجکاری کا اعلان کرتے ہوئے کہا کہ ماسوائے اسٹریٹیجک ریاستی ملکیتی اداروں کے دیگر تمام ریاستی ملکیتی ادارے خواہ وہ نفع بخش ہیں یا خسارہ زدہ، انہیں پرائیویٹائز کیا جائے گا۔

اس حوالے سے وزیر اعظم نے متعلقہ محکموں کو جلد رپورٹ مرتب کر کے پیش کرنے کی ہدایت بھی کی۔