حکومت کا محرم میں واٹس ایپ سمیت تمام سوشل میڈیا ایپس بند کرنے کا فیصلہ

پنجاب حکومت نے محرم الحرام کے موقع پر غیر مناسب مواد اور مذہبی انتہا پسندی سے بچنے کے لیے سوشل میڈیا پلیٹ فارم بند کرنے کا فیصلہ کر لیا ہے۔

تفصیلات کے مطابق محکمہ داخلہ نے سوشل میڈیا پر پابندی کے حوالے سے وفاقی وزارت داخلہ کو خط ارسال کردیا۔

خط کے متن میں لکھا گیا ہے کہ  6 سے لے کر گیارہ محرم الحرام 1446 ہجری تک صوبے بھر میں سوشل میڈیا کی تمام ایپس فیس بک، ٹویٹر، انسٹاگرام، یوٹیوب، انسٹاگرام، ٹک ٹاک اور واٹس ایپ کی سروسز کو مستقل بند رکھا جائے۔