جی ایچ کیو حملہ کیس میں عمران خان کی بریت کیلیے دائر درخواست سماعت کیلیے مقرر

سانحہ نو مئی کو جی ایچ کیو پر ہونے والے حملے کے کیس سے بریت کیلیے بانی چیئرمین پی ٹی آئی نے عدالت میں درخواست دائر کردی۔

بانی چیئرمین پی ٹی آئی نے 9 مئی کیسز میں دہشت گردی دفعات کو بھی چیلنج کر دیا جبکہ عدالت نے درخواستیں سماعت کیلئے منظور کرتے پراسیکیوٹرز کو نوٹس جاری کر دیے،

بانی چیئرمین پی ٹی آئی کی بریت،دہشت گردی دفعات خاتمہ درخواستوں کی سماعت آج ہوگیا۔ عدالت نے وکلائے صفائی کا جیل  روڈ سے عدالت تک 4 جگہ تلاشی کا سخت نوٹس لیتے ہوئے صرف داخلہ گیٹ پر تلاشی کا حکم دیا۔

عدالت نے کہا کہ اگر آئندہ ایک سے زیادہ مقام پر وکلا کی تلاشی لی گئی تو اڈیالہ جیل کے سپرنٹینڈنٹ کے خلاف توہین عدالت کی کارروائی کی جائے گی۔

آئیندہ جی ایچ کیو حملہ کیس کی سماعت اڈیالہ جیل کی بڑی عدالت کرنے کا فیصلہ بھی کیا گیا ہے جبکہ اس حوالے سے عدالت نے انتظامات مکمل کرنے کی ہدایت بھی کردی ہے۔