ایران میں 10 غیرملکی ایجنٹ گرفتار

ایران کے پاسدارانِ انقلاب نے دعویٰ کیا ہے کہ حالیہ کشیدگی کے دوران 10 مشتبہ افراد کو گرفتار کیا گیا ہے جنہیں غیر ملکی ایجنٹ قرار دیا جا رہا ہے۔

ایرانی میڈیا رپورٹس کے مطابق یہ گرفتاریاں شمال مشرقی صوبے خراسان رضوی میں کی گئیں، جہاں پاسدارانِ انقلاب کے انٹیلی جنس یونٹ نے کارروائی کرتے ہوئے مبینہ طور پر ان افراد کی نشاندہی کی۔

حکام کا کہنا ہے کہ گرفتار افراد میں سے چند حساس تنصیبات اور اہم مقامات سے متعلق معلومات اکٹھی کرنے میں مصروف تھے، جبکہ دیگر کا تعلق ایک مبینہ شدت پسند گروہ سے بتایا جا رہا ہے۔

بیان میں گرفتار افراد کی شہریت یا پس منظر سے متعلق تفصیلات جاری نہیں کی گئیں۔

پاسدارانِ انقلاب کے مطابق یہ کارروائی ملک کی سلامتی کے پیش نظر کی گئی ہے، تاہم اس حوالے سے مزید تحقیقات جاری ہیں۔