کچے کے علاقے میں ڈاکوئوں کا پولیس کی گاڑیوں پرحملہ، 11 اہلکار جام شہادت نوش کرگئے

رحیم یار خان کے کچے کے علاقے میں پولیس کی 2 گاڑیوں پر ڈاکوئوں کے حملے میں 11 اہلکار شہادت کے رتبے پر فائز ہوگئے۔

ذرائع کے مطابق پولیس کا کہنا ہے کہ ڈاکوئوں نے کچے کے علاقے ماچھکہ میں پولیس کی 2 گاڑیوں پر حملہ کیا۔

دونوں پولیس موبائل بارش کے پانی میں پھنس گئی تھیں۔ ڈاکوئوں نے راکٹ لانچروں سے پولیس پر حملہ کردیا۔

گھوٹکی پولیس کے مطابق ڈاکوئوں کے حملے میں 11 پولیس اہلکار شہید اور 7 زخمی ہوگئے۔ جب کہ چار اہلکار تاحال لاپتہ ہیں۔

ڈاکوئوں کے حملے کے بعد رحیم یار خان پولیس نے بھاری نفری کو علاقے میں طلب کرلیا ہے۔