سندھ میں اسکول معمول کے مطابق کھلے رہیں گے، محکمہ تعلیم سندھ

محکمہ تعلیم سندھ کی جانب سے یہ اعلان سامنے آیا ہے کہ کل سندھ میں اسکول معمول کے مطابق کھلے رہیں گے۔

بیان میں کہا گیا ہے کہ تمام سرکاری اور نجی اسکولز کی انتظامیہ والدین سے رابطے میں رہیں، اسکول بند ہونے یا چھٹی کی افواہوں اور قیاس آرائیوں پر دھیان نہ دیں۔

واضح رہے کہ شہر قائد میں وقفے وقفے سے ہلکی اور تیز بارش کا سلسلہ جاری ہے۔

محکمہ موسمیات نے آج رات سے شروع ہونے والی شدید بارشیں 31 اگست تک جاری رہنے کی پیش گوئی کی گئی ہے، 28اگست کے بعد مون سون سسٹم میں مزید شدت آنے کا امکان ہے۔