کراچی، کمسن لڑکی سے شادی کرنے والا ملزم ضمانت خارج ہونے پر عدالت سے فرار

کراچی میں کمسن لڑکی سے شادی کے کیس میں ضمانت خارج ہونے کے بعد ملزم عدالت سے فرار ہوگیا۔

ایڈیشنل ڈسٹرکٹ اینڈ سیشن جج نے کمسن لڑکی کی شادی سے متعلق کیس کی سماعت کی۔ جس کے دوران مدعی کے وکیل نے دلائل میں کہا کہ ملزم نے 13 سال کی بچی سے شادی کی جس  کے خلاف سندھ چائلڈ میرج ایکٹ کے تحت مومن آباد تھانے میں مقدمہ درج کیا گیا۔

عدالت نے وکیل کے دلائل سننے کے بعد ملزم کی ضمانت منسوخ کردی جس پر ملزم عدالتی فیصلہ سنتے ہی کمرہ عدالت سے فرار ہوگیا۔

بعد ازاں عدالت نے لڑکی کو شیلٹر ہوم بھیج دیا جبکہ پولیس کو ملزم کی گرفتاری کا حکم دیا ہے۔