الیکشن کمیشن نے شاہ محمود قریشی کی نااہلی کا نوٹی فکیشن جاری کردیا

الیکشن کمیشن آف پاکستان نے سائفر کیس میں سزا کے بعد شاہ محمود قریشی کی نااہلی کا نوٹی فکیشن جاری کردیا۔

تفصیلات کے مطابق سائفر کیس میں آفیشل سیکریٹ ایکٹ کی خصوصی عدالت نے شاہ محمد قریشی کو دس دس سال قید اور نااہلی کی سزا سنائی تھی۔

الیکشن کمیشن نے عدالتی فیصلے کے بعد شاہ محمود قریشی کو پانچ سال نااہل قرار دیتے ہوئے نوٹی فکیشن جاری کردیا، جس میں لکھا گیا ہے کہ شاہ محمود قریشی اور عمران خان کو سائفر کیس میں دس دس سال قید کی سزا ہوئی۔

ایڈیشنل ڈائریکٹر جنرل قانون الیکشن کمیشن نے کہا ہے کہ آئین و قانون مطابق کوئی سزا یافتہ مجرم انتخابات میں حصہ نہیں لے سکتا۔