مودی طیارے کا بغیر اجازت پاکستانی فضائی حدود استعمال کرنے کا انکشاف

بھارتی وزیر اعظم نریندر مودی کے طیارے نے ایک بار پھر امریکہ سے بھارت پہنچنے کے لیے بغیر اجازت پاکستانی فضائی حدود کا استعمال کیا ہے۔

اس بات کی تصدیق ایوی ایشن ذرائع نے بدھ کو تصدیق کی اور بتایا کہ کودی کا طیارہ شام 5 بج کر 45 منٹ پر چترال کے راستے افغانستان سے پاکستانی فضائی حدود میں داخل ہوا اور 46 منٹ تک وہاں رہا، 6 بج کر 30 منٹ پر لاہور کے قریب سے نکلا۔

 یہ ٹرانزٹ اس وقت ہوا جب مودی 24 ستمبر کو امریکہ کا 3 روزہ دورہ مکمل کرنے کے بعد ہندوستان واپس آئے۔ 

 اپنے امریکی سفر کے دوران، مودی نے امریکی صدر بائیڈن کی قیادت میں کواڈ لیڈرز سمٹ میں شرکت کی اور اقوام متحدہ کے مستقبل کے سربراہی اجلاس سے خطاب کیا۔

 ذرائع نے بتایا کہ بھارتی حکام نے پاکستانی فضائی حدود استعمال کرنے سے قبل اجازت نہیں لی گئی۔

 واضح رہے کہ حالیہ مہینوں میں یہ دوسرا موقع ہے جب مودی کے طیارے نے پاکستانی فضائی حدود کا استعمال کیا ہے۔ اس سے قبل 24 اگست کو مودی نے پولینڈ سے بھارت واپس آتے ہوئے پاکستانی فضائی حدود کا استعمال کیا تھا۔

واضح رہے کہ 2019 میں، سابق وزیر اعظم عمران خان کی حکومت نے مودی کے طیارے کو جرمنی جانے کے لیے پاکستانی فضائی حدود استعمال کرنے کی اجازت دینے کی بھارت کی درخواست کو مسترد کر دیا تھا۔

 اس وقت کے وزیر خارجہ شاہ محمود قریشی نے کہا کہ یہ فیصلہ "مقبوضہ کشمیر کی صورتحال کو مدنظر رکھتے ہوئے" کیا گیا ہے۔

 قریشی نے ستمبر کو جاری ہونے والی ویڈیو میں بتایا کہ "بھارت سے ایک درخواست موصول ہوئی تھی جس میں کہا گیا تھا کہ ہندوستانی وزیر اعظم نریندر مودی 20 تاریخ کو جرمنی کے لیے اوور فلائٹ کے لیے پاکستانی فضائی حدود استعمال کرنا چاہتے ہیں اور 28 تاریخ کو واپسی کی پرواز کے لیے اسی کو استعمال کرنا چاہتے ہیں"۔ 

 "مقبوضہ کشمیر کی صورتحال اور [کشمیریوں کو سہنے والے] ظلم و جبر اور خطے میں حقوق کی خلاف ورزیوں میں دیکھنے والے بھارت کے رویے کو مدنظر رکھتے ہوئے، ہم نے یہ درخواست منظور نہ کرنے کا فیصلہ کیا ہے۔