نادرا کا کراچی میں نئے میگا سینٹر کے قیام کا اعلان

اسلام آباد: نیشنل ڈیٹابیس اینڈ رجسٹریشن اتھارٹی (نادرا) نے کراچی والوں کو نئے میگا سینٹر کے قیام کے حوالے سے خوشخبری سنا دی ہے۔

ترجمان نادرا کے مطابق نادرا ریجنل ہیڈ آفس کراچی اور ٹی ایم سی کورنگی کے درمیان مفاہمتی یادداشت پر 13 جنوری کو دستخط کیے جائیں گے۔

ترجمان کا کہنا تھا کہ میگا سینٹر کورنگی 30 ون ونڈو کانٹرز پر مشتمل ہوگا جہاں روزانہ 2500 سے 3000  درخواست گزاروں کو سہولت فراہم کرنے کی گنجائش ہوگی۔

بیان کے مطابق میگا سینٹر میں جانشینی سرٹیفکیٹ کانٹر، پاک آئی ڈی کانٹر، سیلف سروس کانٹر، تھیلیسیمیا ٹیسٹ کانٹر، اسلحہ لائسنس کانٹر اور بزرگ شہریوں کیلیے علیحدہ کانٹر بنائے جائیں گے، اس میں ایک زونل آفس بھی قائم کیا جائے گا۔

نادرا کا کہنا ہے کہ کورنگی، لانڈھی، کورنگی کریک، شاہ فیصل کالونی، ملیر ماڈل کالونی، چکرا گوٹھ، بن قاسم، اسٹیل ٹان، ابراہیم حیدری، قیوم آباد اور گرد و نواح کے دیگر علاقوں کے تقریبا 40 لاکھ شہریوں کو ایک چھت تلے تمام خدمات تک آسان رسائی میسر ہوگی۔