آپریشن عزم استحکام کیلیے 20 ارب روپے فوری جاری کرنے کی منظوری

وزیراعظم کی زیر صدارت اجلاس میں وفاقی کابینہ نے ملک میں آپریشن عزم استحکام کیلیے فوری طور پر 20 ارب روپے ادا کرنے کی منظوری دے دی۔

کابینہ نے اقتصادی رابطہ کمیٹی کی جانب سے آپریشن عزم استحکام کیلیے فنڈز کی مںظوری کی توثیق کی اور اس عزم کا اعادہ کیا کہ انسداد دہشت گردی کیلیے حکومت مسلح افواج کی ہر ممکن مدد کرے گی۔

واضح رہے کہ 25 اور 26 اگست کی رات بلوچستان میں مسلح افراد نے مختلف علاقوں میں حملہ کر کے معصوم شہریوں سمیت ایف سی اور پاک فوج کے 50 کے قریب اہلکاروں کو شہید کیا تھا۔

سیکیورٹی فورسز اور قانون نافذ کرنے والے اداروں نے جوابی کلیئرنس آپریشنز میں 21 دہشت گردوں کو ہلاک کیا۔