عمران خان کی ہدایت اور حکم پر کام کریں گے، رہائی تک میں ہی چیئرمین رہوں گا، بیرسٹر گوہر

پاکستان تحریک انصاف کے نو منتخب چیئرمین بیرسٹر گوہر علی نے میڈیا سے گفتگو کرتے ہوئے کہا ہے کہ میں سب سے پہلے خان صاحب کا ذمہ داری سونپنے پر شکر گزار ہوں انہوں نے مجھے موقع دے کر موروثی سیاست کو ہمیشہ کے لیے دفن کر دیا۔

چیئرمین منتخب ہونے کے بعد میڈیا سے گفتگو کرتے ہوئے بیرسٹر گوہر نے کہا کہ میں اس وقت تک چیئرمین کی ذمہ داری انجام دوں گا جب تک عمران خان جیل سے رہا نہیں ہو جاتے اور اس دوران ہم وہی کریں گے جس کی ہدایت اور حکم عمران خان دیں گے۔

 انہوں نے یہ بھی کہا کہ ابھی ہمارے آدھے سے زیادہ رہنما روپوش ہے ، ہماری ساتھ زیادتیاں ہورہی ہیں اور ہمیں لیول پلیئنگ فیلڈ بھی نہیں مل رہی۔

بیرسٹر گوہر نے چیف جسٹس اف پاکستان جسٹس قاضی فائز عیسی کو مخاطب کرتے ہوئے کہا کہ چیف جسٹس صاحب ہمیں گاڑیاں نہیں بلکہ ہمارے رہنما واپس چاہیے۔

نو منتخب چیئرمین نے کارکنان کو یقین دلایا کہ میں کل بھی عمران خان کے ساتھ تھا اور اج بھی ہوں اور آنے والے کل بھی انہی کے ساتھ رہوں گا۔

بیرسٹر گوہر کا کہنا تھا کہ پارٹی منشور کے مطابق مرکزی کابینہ عہدے داران کا فیصلہ کرتی ہے، پرویز الہی کے نام اور ذمہ داری دینے کا فیصلہ کل تک کر لیا جائے گا۔

اپنی گفتگو کے آخر میں نو منتخب چیئرمین پی ٹی ائی نے کہا کہ ہم اج بھی کہہ رہے ہیں کہ ہمارے ساتھ زیادتی ہو رہی ہیں اور ان زیادتیوں کی وجہ سے عمران خان جیل میں ہے وہ ہے فوری طور پر رہا کیا جائے اور جھوٹے مقدمات کو ختم کیا جائے۔