پی ٹی آئی قانونی جنگ جیت گئی، بلے کا نشان اور انٹرا پارٹی انتخابات بحال

پشاور ہائیکورٹ نے پی ٹی آئی انٹرا پارٹی الیکشن اور انتخابی نشان سے متعلق کیس کا فیصلہ سناتے ہوئے تحریک انصاف کا انتخابی نشان  بلا بحال کر دیا۔

پشاور ہائیکورٹ نے پی ٹی آئی کے چیئرمین بیرگوہر کی درخواست پر سماعت کی اور گزشتہ روز دونوں فریقین نے دلائل مکمل کیے۔

عدالت نے دلائل کا جائزہ لینے کیلئے سماعت آج صبح تک ملتوی کی اور پھر آج پشاور ہائیکورٹ کے  جسٹس اعجاز انور اور جسٹس سید ارشدعلی نے پی ٹی آئی کے انٹرا پارٹی الیکشن کے خلاف دائر درخواستوں پر فیصلہ جاری کیا۔

عدالت نے پی ٹی آئی انٹرا پارٹی الیکشن اور انتخابی نشان بحال کردیا۔

معزز جج نے وکیل الیکشن کمیشن سے پوچھا کہ کون سے سیکشن کے تحت اس پارٹی کے خلاف کارروائی کی، وکیل شکایت کنندہ نے بتایا کہ الیکشن ایکٹ سیکشن 215 کے تحت کارروائی کی ہے۔

اس عدالت نے کہا الیکشن کا رزلٹ تو 7 دن کے اندر جمع کیا گیا ہے، وکیل درخواست گزار کا کہنا تھا الیکشن کمیشن نے دیکھنا تھا کہ سیکشن 208 کے تحت انٹرا پارٹی انتخابات ہوئے، سب نے کہا کہ جو بانی پی ٹی آئی کہیں گے وہی ہوگا۔