پی ٹی آئی کا اڈیالہ جیل کے باہر احتجاجی کیمپ لگانے کا فیصلہ

پشاور: تحریک انصاف (پی ٹی آئی) کا ایک اہم پارٹی اجلاس وزیراعلی ہاؤس پشاور میں منعقد ہوا، جس میں پنجاب اور خیبرپختونخوا کے رہنما شامل ہوئے۔

اجلاس کی صدارت سلمان اکرم راجہ نے کی، جبکہ عالیہ حمزہ سمیت پنجاب کے دیگر اہم عہدیداران بھی موجود تھے۔ مرکزی رہنما زوم کے ذریعے اجلاس میں شریک ہوئے۔

اجلاس میں اڈیالہ جیل کے باہر احتجاجی کیمپ لگانے کے حوالے سے لائحہ عمل طے کیا گیا۔ اس کے علاوہ، پنجاب کی موجودہ صورتحال اور عید الفطر کے بعد احتجاجی مہم کے منصوبوں پر بھی تفصیلی گفتگو ہوئی۔

ذرائع کے مطابق، اجلاس میں اہم فیصلے متوقع ہیں، جو پارٹی کی اگلی حکمت عملی کا تعین کریں گے۔

پی ٹی آئی کے رہنماؤں نے اڈیالہ جیل کے باہر کیمپ لگانے کے فیصلے کو پارٹی کی احتجاجی مہم کا اہم حصہ قرار دیا ہے۔ اس اقدام کا مقصد حکومت پر دباؤ بڑھانا اور پارٹی کے مطالبات کو اجاگر کرنا ہے۔

اجلاس میں شریک رہنماوں نے یکجہتی کا مظاہرہ کرتے ہوئے پارٹی کی قیادت کے فیصلوں پر مکمل اعتماد کا اظہار کیا۔