رمضان المبارک میں سرکاری دفاتر کے لیے اوقات کار جاری

وفاقی حکومت نے رمضان المبارک کے دوران سرکاری اداروں کے اوقات کار کا اعلان کر دیا ہے۔

اسٹیبلشمنٹ ڈویژن کی جانب سے جاری نوٹیفکیشن کے مطابق، ہفتے میں پانچ دن کام کرنے والے دفاتر کے اوقات کار صبح 9 بجے سے 3 بجے تک ہوں گے۔

ہفتے میں چھ دن کام کرنے والے دفاتر کے لیے یہ اوقات صبح 9 بجے سے 2 بجے تک طے کیے گئے ہیں۔

جمعہ کے دن سرکاری دفاتر کے اوقات کار صبح 9 بجے سے ساڑھے 12 بجے تک ہوں گے۔

یہ تبدیلیاں رمضان المبارک کے دوران ملازمین کی سہولت کو مدنظر رکھتے ہوئے کی گئی ہیں۔