رؤف حسن کو ایف آئی اے نے گرفتار کرلیا

پاکستان تحریک انصاف کے مرکزی سیکریٹریٹ سے گرفتار ہونے والے پی ٹی آئی کے ترجمان رؤف حسن کو ایف آئی اے سائبر کرائم نے تحویل میں لے لیا۔

تفصیلات کے مطابق پی ٹی آئی  کے سیکریٹریٹ پر چھاپے اور رؤف  حسن کی گرفتاری کے معاملے میں پیشرفت سامنے آئی ہے۔

اسلام آباد پولیس کے سینئر آفیسر کے ذرائع نے بتایا کہ رؤف حسن ایف آئی اے سائبر کرائم سیل کی تحویل میں ہیں، اُن کی گرفتاری میں ایف آئی اے ٹیم نے بھی معاونت کی تھی۔

دوسری جانب ایف آئی اے سائبر کرائم سیل کے حکام  اور ترجمان رؤف حسن کہ گرفتاری بارے یکسر خاموش ہیں۔

واضح رہے کہ ایف آئی اے سائبر کرائم میں سوشل میڈیا کے حوالے سے ایک انکوائری بھی جاری کی تھی جس میں رؤف حسن سمیت دیگر رہنماؤں کے خلاف بیانات سامنے آئے تھے۔