ریٹائرڈ سرکاری ملازمین کیلیے خوشخبری! حکومت نے نوٹیفکیشن جاری کردیا

حکومت کی جانب سے پنشن اور تنخواہ ایک ساتھ لینے پر عائد پابندی ختم کر دی گئی ہے، جس کا باضابطہ نوٹی فکیشن جاری کردیا گیا۔

وزارت خزانہ کی جانب سے جاری نئے نوٹیفکیشن میں دوبارہ ملازمت سے متعلق احکامات واپس لینے کا اعلان کیا گیا ہے۔

نوٹیفکیشن کے مطابق پینشن کیسز میں 22 اپریل اور 19 جون کے آفس میمورنڈمز فوری طور پر ختم کر دیے گئے اور ریٹائرمنٹ کے بعد دوبارہ ملازمت پر پینشن اور تنخواہ دونوں لینے کی اجازت بحال کر دی گئی ہے۔

نوٹی فکیشن کے مطابق ریٹائرڈ افسران کو دوبارہ ملازمت پر مکمل مالی مراعات دینے کا فیصلہ کیا گیا ہے۔