شیر افضل مروت کو شعلہ بیانی مہنگی پڑ گئی، قیادت کا بڑا ایکشن

شیر افضل مروت کو پارٹی پالیسی کے خلاف بیان بازی پر قیادت نے بانی کی ہدایت پر ایک بار پھر شوکاز نوٹس جاری کردیا۔

پارٹی کی جانب سے ایڈیشنل سیکریٹری فردوس شمیم نقوی نے شیر افضل مروت کو ایک بار پھر شو کاز نوٹس جاری کیا جس میں ان سے 7 روز میں حالیہ بیان بازی پر جواب مانگا گیا ہے۔

اسی کے ساتھ قیادت نے جواب دیئے جانے تک میڈیا پر پارٹی کی نمائندگی سے روک دیا۔

بانی چئیرمین کی ہدایت پر شیر افضل مروت کو نوٹفکیشن جاری کیا گیا، شیر افضل مروت نے پہلے بھی پارٹی پالیسی کی خلاف ورزی کی ہے۔ شیر افضل نے بغیر سوچے سمجھے بیانات جاری کئے ہیں۔