سمندری طوفان کے پیش نظر سندھ کے تمام محکمے الرٹ، اسپتالوں میں ایمرجنسی نافذ

وزیراعلیٰ سندھ مراد علی شاہ نے سمندری طوفان کے خدشےکے پیش نظر تمام صوبائی محکموں کو الرٹ رہنے کی ہدایت کردی۔

وزیراعلیٰ سندھ کے ترجمان کی جانب سے جاری بیان کے مطابق مراد علی شاہ نے ہدایت کی ہے کہ صوبے کے بیشتر اضلاع میں طوفانی بارشوں کا امکان ہے، اس دوران ہنگامی صورت حال سے نمٹنے کیلیے اقدامات اور تمام تیاری ضرویر ہے۔

وزیراعلیٰ نے صوبے کے تمام ہسپتالوں کو انتظامات بہتر اور عملے کی حاضری یقینی بنانے کی ہدایت کردی جبکہ  سمندر میں غیرمعمولی صورتحال کے پیش نظر محکمہ فشریز کو ماہیگیروں کی حفاظت کے لیے بھی اقدامات کرنے کی ہدایت کردی ہے۔