سپریم کورٹ فیصلے کے بعد نیب نے توشہ خانہ ریفرنس واپس لے لیا

سپریم کورٹ آف پاکستان کی جانب سے نیب ترامیم کو درست قرار دینے کے فیصلے کے بعد قومی احتساب بیورو نے عمران خان اور بشری بی بی کیخلاف دائر توشہ خانہ کا نیا کیس واپس لے لیا۔

راولپنڈی کی اڈیالہ جیل میں نئے توشہ خانہ مقدمے کی سماعت کے دوران قومی احتساب بیورو کے پراسیکیوٹر نے جج کو بتایا کہ نیب ترامیم کی بحالی کے بعد یہ ریفرنس احتساب عدالت کے دائرہ اختیار میں نہیں آتا اس لیے ہم یہ ریفرنس واپس لینا چاہتے ہیں۔

عدالت نے پراسیکیوٹر کید رخواست پر ریفرنس سینٹرل جج کی عدالت کو بھیج دیا۔ اس کے ساتھ عدالت سے استدعا کی گئی کہ ریفرنس واپس بھیجنے سے پہلے ملزمان کی درخواست ضمانت کو سنا جائے کیونکہ اس مقدمے میں دو علیحدہ مقدمات درج نہٰں ہوسکتے۔

پراسیکیوٹر نے کہا کہ نیب ترامیم کی بحالی کے بعد عمران خان اور بشری بی بی کے خلاف کوئی کیس نہیں بنتا۔ جس کے بعد راولپنڈی کی اڈیالہ جیل میں قائم کی جانے والی عدالت نے ملزمان کے وکلا کو متعلقہ عدالت سے رجوع کرنے کا حکم دیا ہے۔

عدالت نے ریمارکس دیے کہ نیب ترامیم کے بعد یہ کیس ایف آئی اے کا بنتا ہے کیونکہ قومی احتساب بیورو کا دائرہ اختیار ختم ہوگیا۔