سیکیورٹی فورسز نے 71 خوارج کو ہلاک کردیا

سیکیورٹی فورسز کے شمالی وزیرستان کے علاقے حسن خیل میں دراندازی کی کوششیں ناکام بنانے کے بعد پاک افغان بارڈر کے ملحقہ علاقوں میں فالو اپ آپریشنز، کامیاب کارروائی میں مزید 17 خوارجی مارے گئے، گزشتہ تین روز میں ہلاک ہونیوالے خوارج کی تعداد 71 ہوگئی۔

آئی ایس پی آر کےمطابق شمالی وزیرستان میں 25 سے 27 اپریل کے دوران سیکیورٹی فورسز نے کامیاب کارروائیوں کے دوران دراندازی کی کوششیں ناکام بناتے ہوئے 54خوارج کو ہلاک کیا۔

بعد ازاں پاک افغان سرحد کے ساتھ حسن خیل کے اردگرد کے علاقوں میں کلئیرنس آپریشنز کئے گئے،جس کے دوران مزید سترہ خوارج مارے گئے۔

 ہلاک ہونے والے خوارج سے اسلحہ، گولہ بارود اور دھماکہ خیز مواد بھی برآمد ہوا ہے۔

آئی ایس پی آر کے مطابق گزشتہ تین روز کے آپریشنز میں جاں بحق خوارج کی تعداد 71 ہو گئی سیکیورٹی فورسز ملک کی سرحدوں کے تحفظ کرنے اور پاکستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لئے پرعزم ہیں۔